سلام يابنات بزاف منكم كيعانيو من العكس و التابعة و كنت سبقلي حطيت وصفة افيكاس للتابعة لي كتجمعي الما من سبعة ديال الجوامع لكن شي بنات جاتهم صعيبة في التطبيق و بغاو شي حاجة اسهل 
بسم الله بدينا وعلى النبى صلينا 
تتشري اوراق السدر و اوراق الزيتون و اوراق الحنة و الفاسوخ الوسقى والورد والريحان كتبيتيهم للنجوم فشي سطل لغد ليه صفيهم و الاوراق لوحيها فشي محيبق او جردة و الما عمريه فشي قريعة
ولبسي ملابس قديمه او مبقيتيش باغياها وشي فوطة قديمة لان  كلشي غادي ترميه وسيري لشي حمام معمرك عمتى فيه و معمرك ترجعي ليه 
قبل ما تمشي للحمام شري ملابس جديدة كلشي جديد متلبسي حتى حاجة قديمة الاشياء لي غادي تستعملي فالحمام كيس صابون  مشطة مقص الضفار  الخ متدي والو من الدار كلشي شريه من برا حتى السطل اوالطاسة من برا 
دخلي للحمام عومى عادي حتى تبغي تشللي التشليلة الاخيرة و كوبي داك الما لي بيتى فالنجوم فسطل و شللى بيه و قطعى ضفار يديك و رجليك و شوية من شعرك و رمى كلشي المقص والشعر فسلة المهملات داخل الحمام وقولي رميت عكسي وتابعتى  و داك الاشياء لي ستعملتى فالحمام كلها خليها تما سليب لي كنتى لابسة والادوات لي ستعملتى وخاا يقوليك شي حد راكي نسيتى شي حاجة او واش داكشي ديالك مدوريش و متجاوبيش  وخرجى وقولي حطيت تابعتى وعكسي 
و خرجى لبسي حوايج جداد و جمعي الحوايج القدام فبلاستيكة وخرجى من الحمام وقولي خليت التابعة و التبيعة وديت الفايدة و النفيعة
و كي تخرجى رمي الملابس القديمة و الصندلة والفوطة والساكوش  فشي خلا مورا ضهرك و قولي رميت عكسي وتابعتى والعين لي تابعانى 
متردى والو لدار لاسطل لاساكوش لا سباط  هههه ديري حوايجك لي غادي تخلي لطيابة غير فشي بلاستيكة او ساكوش عييتى منو وبغيتى ترميه حتى من الصندلة او الصابو لي تمشي بيه لوحيه ورجعي للدار بالجديد
كي دخلي للدار  طلقي عود الند ديال ريحة العود و نشطي و فرحى وديري شي براد داتاي مشحر و ماكيي وشطحي  راكي تهنيتى من التابعة لي معكسة ليك حياتك و العكس و عين بنادم الخايبة و المجهدة لي تبعاك فحوايجك و صحتك وزهرك